Për Ndërmarrje dhe Shoqëri

Shërbime Kontabiliteti - Mbajtja e Llogarive

Studio ofron për klientët të cilët e fillojnë veprimtarinë e tyre dhe që kanë nevojë për një kompani të specializuar për mbajtjen e librave të punës-aktivitetit:
- mbajtje llogarie të shërbimeve,
- përgatitjen e pasqyrave financiare në përputhje me standardet e kontabilitetit shqiptar,
- përgatitjen e pasqyrave financiare dhe raporteve të tjera financiare të kërkuara nga aksionarët,
- këshilla profesionale në lidhje me strukturën, paraqitjen dhe zbulimin e këtyre pasqyrave financiare.

Konsulenca Kontabile

Studio ofron
- ndihmë në vlerësimin e pajtueshmërisë me rregullat shqiptare të kontabilitetit,
- ndihmë për klientët lidhur me çështjet e kontabilitetit, të cilat çështje ndikojnë në aktivitetin e tyre të përditshëm,
- këshilla për çështjet në lidhje me përpilimin e pasqyrave financiare për qëllime statusore ose për aksionarët mbajtjen e një cilësie të lartë të raportimit financiar dhe strukturës,
- ndihmë për klientët në njohjen me standardet e kontabilitetit, standardet financiare dhe zbatimin e sistemeve të menaxhimit të kontabilitetit.

Likuidimin e Shoqërisë (Biznesit)

Studio ofron instruksione dhe këshilla për ndjekjen e procedurave të likuidimit / falimentimit të shoqërisë;
- hartimin e bilancit në çastet e fillimit të procedures së likuidimit,
- përgatitjen e pasqyrave financiare vjetore gjatë periudhës së likuidimit,
- përgatitjen e raportit përfundimtar të likuidimit si dhe paraqitjen e pasqyrave financiare përpara asamblesë së përgjithshme,
- njoftimin e Qendrës Kombëtare të Regjistrimit për përfundimin e procedures së likuidimit si dhe aplikimin për çregjistrimin e shoqërisë.

 Lart

Konsulenca Fiskale të Zakonshme
(dhe informacione aktuale mbi lehtësirat fiskale)

Studio informon dhe instrukton ndërmarjet dhe profesionistët në lidhje me çështje të ndryshme që lidhen me legjislacionin fiskal. Përditëson ose azhornon subjekte me ndyshimet në kuadrin ligjor si dhe përgatitë buletine informuese për klientet e vet. Ndihmon subjektet për gjetjen dhe zgjidhjen e problemeve të ndryshme të lidhura me TVSH si dhe taksa të tjera. Studio ndihmon klientët në shqyrtimin, përgatitjen dhe paraqitjen e kthimit të taksave (për biznesin dhe individët).
Studio ofron informacion mbi lehtësirat fiskale – Studion legjislacionin fiskal dhe ndjek politikat shtetërore në lidhje me stimulimin e aktiviteteve të caktuara si dhe të lehtesirave fiskale. Bashkëpunon me institucione të ndryshme studimore për njohjen dhe evidentimin e praktikave lehtësuese për sektorë të ndyshëm të ekonomisë.
Konsulencë mbi problematikat fiskale, kontabile dhe bilancin - Studio ka një eksperiencë të gjerë në fushat e korporatave, partneritetit, besimit, të financave publike dhe individuale në të gjitha nivelet e taksimit. Shërbimet kanë për qëllim dhënien e sigurisë të arsyeshme mbi saktësinë e transaksioneve të kryera në kuadrin e taksave dhe marrjen e masave parandaluese kundër shkeljeve të taksave, si dhe shmangien e pasojave serioze.

Deklarimet Tatimore

Studio ndjek për klientët e saj, të gjitha procedurat e plotësimit si dhe deklarimit të detyrimeve në lidhje me TVSH, Sigurimet Shoqërore dhe Shëndetsore, Tatimin mbi fitimin dhe Akcizën etj. Të gjitha deklarimet bëhen nën mbikqyrjen-kontrollin e Kontablit të Miratuar, për të studiuar profilin si dhe për të realizuar maksimalisht avantazhet fiskale.

 Lart

Administrim, Përfaqësim...
(në lidhje me mosmarrveshjet me administraten tatimore etj.)

Studio ndihmon në interpretimin e legjislacionit fiskal për subjektet të cilat kanë mosmarrëveshje me administraten tatimore. Asiston ose ndihmon në procesin e ankimimit pranë Zyres së Apelimit Tatimor. Ofron këshilla strategjike mbi taksat dhe ofron strategji efektive në lidhje me problemet me tatimet.

Analiza Financiare - Vlerësim për Investimet

Vlerësim për zgjedhjen e mënyres më fitimprurëse të investimit - Studio analizon dhe studion me qëllimin për të ofruar zgjidhje për probleme dhe çështje që dalin gjatë veprimtarisë dhe që i paraqiten nga Administrata e Shoqërisë, në lidhje me vlerësimin dhe mbarëvajtjen e investimit. Analizon strukturën financiare, Bilancin, Pasqyrën e Të Ardhurave Dhe Shpenzimeve si edhe Cash-Flow.
Studio ofron përgatitje skajshmërisht profesionale për Plane Biznesesh me analiza financiare dhe ekonomike të bashkangjitura, të cilat janë në përputhje me standardet dhe përvojat evropiane.

 Lart

Operacione mbi Kapitalin

Studio ndjek aktivitetin afarist dhe jep sugjerime në lidhjet me praktikat dhe procedurat për ndryshimet e kapitalit. Ajo bashkëpunon me Studiot më të mira ligjore të Shqipërisë për themelimin e shoqërive-firmave, për hartimin e statuteve si dhe kontratave të ndryshme në lidhje me trasferimet e kuotave.

Analiza për Projektet

Studio bashkëpunon me çdo Ndërmarje ose Profesionist që dëshiron të hapë ose startojë një aktivitet të ri. Analizon dhe krahason treguesit e sektorëve të ndryshem si dhe jep mendime në lidhje me mundësitë reale për rentabilitetin e projektit.

Analiza të Strukturave
(Juridike dhe Administrative)

Studio ofron asistencë në lidhje me përmbushjen e të gjitha procedurave administrative. Duke fiiluar që nga zgjedhja e regjimit tatimor dhe atij kontabël. Instrukton subjektet në lidhje me proceduarat e regjistrimit pranë Qendrës Kombëtare të Regjistrimit (QKR), Institutit të Sigurimeve Shoqërore, Inspektoriatit Shtetëror të Punes si dhe pranë organeve vendore.

Studim Financiar & Fiskal për projektet

Studio ofron shërbimet e veta që në fazen e nisjes (start up), duke sugjeruar format më të mira të financimit për aktivitetin e ri, si dhe duke bashkëpunuar me institucionet financiare gjatë proceduarave të kontraktimit për kredi. Studio ofron mundësinë për të bërë parashikime mbi termat financiar dhe ekonomik që janë të lidhura ngushtë me vijueshmërinë e aktivitetit.

Formim të Personelit

Studio mban lidhje të vazhdueshme me administratorin dhe personelin e administratës së shoqërisë për dhënien e ndihmes profesionale dhe të mendimit analitik-ekonomik, në dobi të rritjes së efektshmërisë së veprimtarisë, dhe të zbatimit të dispozitave ligjore.

 Lart    Rekomando